O restaurante Punto&Textura de Ponteareas comeza as Xornadas Gastronómicas das mans de porco e cervo estofado que se realizarán o venres día 5 pola noite e o sábado día 6 ao mediodía e pola noite.
O menú constará de :
-Fabes con manciñas de porco
-Cervo estofado con castañas
-Tarta de mazá confitada
-Pan e café
Prezo do menú 15.00€ por persoa (non inclúe bebida). Reservas:  986 660 068  /  691 019 198

A día 1 de febreiro Nós Unidade Popular presentou no rexistro do concello de Salvaterra unha denuncia do estado das estradas neste concello no que escriben que “asisten con preocupación ao lamentable estado no que se atopan moitas das estradas do concello. Boa parte das veciñas e veciños de Salvaterra e tamén o transporte público están expostos a diario a traxectos impracticables polo abandono das vías públicas”. Seguir leendo… »

A propiedade da casa parroquial de Paraños, no concello de Covelo, está agora en mans da xustiza logo de que os veciños desta parroquia descubriran que se vendía nunha páxina de internet. Ao parecer hai un tempo que o párroco lles comunicara que ía vivir na casa parroquial, construída coas aportacións dos veciños, unha familia sen recursos pero anos despois os veciños enteráronse de que fora vendida a un funcionario de Patrimonio por tan só 60.000 euros. Foi o anuncio de venta colgado na rede o que fixo saltar as alarmas, neste anuncio a casa parroquial de Paraños vendíase por 680.000 euros. Nos últimos días esta noticia ten captado a atención dos medios de comunicación estatais como Televisión Española ou La Sexta.

O alcalde de Ponteareas, Salvador Gonzalez Solla (PP) negouse a comparecer no último Pleno  ordinario para contestar ás cuestións presentadas polo portavoz socialista  Francisco Candeira, sobre as licencias de apertura dos establecementos de Ponteareas, alegando descoñecer eses datos, segundo explica Francisco Candeira. Seguir leendo… »

Pepe Potel expón no Centro Comarcal Paradanta situado  no concello da Cañiza. A exposición  poderase visitar durante todo o mes de febreiro en horario de mañá e tarde.

O BNG comarcal advirte que o proxecto da obra da autovía de enlace entre a Autovía Rías Baixas (A52) e a Plataforma Loxística Industrial de Salvaterra-As Neves, do que a  Consellería de medio Ambiente Territorio e Infraestruturas, ven de publicitar a adxudicación da execución das obras a unha Unión Temporal de Empresas (UTE),  non prevé o enlace completo coa autovía A-52 xa que non contempla nin a entrada á A-52 en dirección Ourense-Madrid, nin a saída dos vehículos procedentes destas orixes con destino á PLISAN. Seguir leendo… »

A Concellería de Alumeado do Concello de Ponteareas, que dirixe o concelleiro Domingo Freitas Dalmeida, vén de poñer en marcha un número de atención permanente onde usuarios e usuarias poden dar parte de calquera incidencia ou avaría, as 24 horas do día e os 365 días do ano. Seguir leendo… »

O BNG de Mondariz reclamará a comparecencia urxente do Alcalde para dar explicacións sobre as “irregularidades detectadas  na compra de combustible para o concello, durante cando menos, os últimos catro anos, e para dar explicacións de por qué, un operario municipal con antecedentes de outro fraude telefónico acontecido no 2007, carece de calquera tipo de seguimento durante todo este tempo por parte do responsable de persoal do concello, nomeadamente o alcalde e o equipo de goberno do PP”. Seguir leendo… »

A Deputación de Pontevedra aprobou hoxe na súa xunta de goberno catro subvencións ó Concello de Ponteareas por un importe total de 190.797 euros. As axudas aprobadas corresponden ó Plan de Investimentos que, cunha cuantía de 70 millóns de euros, a Deputación ven concedendo ós distintos concellos da provincia co criterio de reparto de poboación e territorio. Seguir leendo… »

Un ano mais o Concello de Salvaterra de Miño presenta a súa programación de Entroido. Unha programación dirixida a todo o público que busca sobre todo a participación de todos os veciños e veciñas, dende os máis pequenos aos máis grandes, con obradoiros e Festival Infantil para os mais cativos. Ademáis destas actividades tamen teremos o ´sabado 13 Baile de entroido na Casa de Cultura e o sábado 29 poremos punto e final a programación co enterro da lamprea.
Para mais información dirixirxe a www.concellodesalvaterra.org ou ao teléfono 986 658 082