O mércores 1 de setembro tivo lugar no salón de plenos, a presentación oficial do “II Torneo de Tenis Concello de Ponteareas”. O acto de presentación correu a cargo do concelleiro de deportes, Alberto Novoa Iglesias, que estivo acompañado polo presidente do Club de Tenis Ponteareas, Manuel Regueira, e polo vicepresidente, Juán Carlos Márquez.

O II Torneo de Tenis Concello de Ponteareas, terá lugar os días 4,5,11,12,18 e 19 deste mes de setembro nas pistas de tenis da zona deportiva de A Freixa e na pista do Centro Deportivo de O Reiro.

Nesta II Edición están inscritos 94 tenistas, nas categorías; Masculino Sénior, Feminino Sénior, Cadete Mixto e Alevín Mixto, e se disputará por sistema de eliminatorias con cadro final de consolación para que os eliminados poidan seguir xogando máis partidos.

Alberto Novoa Iglesias, como concelleiro de deportes, amosou a súa satisfacción pola continuidade deste torneo, e a boa acollida que ten entre os participantes, xa que nesta edición competirán 94 tenistas, o que supera con moito os 57 participantes da I edición, celebrada o pasado ano 2009.

O concelleiro de deportes, Alberto Novoa Iglesias, o presidente da S. D. Juvenil de Ponteareas, José Manuel Rodríguez, e o vicepresidente, Manuel Ramilo, presentaron onte mércores 1 de setembro, no salón de plenos do concello de Ponteareas o trofeo “Festas dos Remedios” de fútbol, que terá lugar o vindeiro sábado día 4 nos campos de fútbol do Centro Deportivo Municipal de Pardellas.

Seguir leendo… »

:::: Celebrarase, esta primeira edición, o vindeiro domingo 5 de Setembro :::::

Trátase dunha festa polpular dedicada ó auga que organiza a Asociación Cultural e Deportiva “ Coto da Cividade” de Tortoreos có afán de ensalzar o traballo de recuperación de antigas fontes públicas que esta parroquia ven desenvolvendo nestes últimos anos a través da Comunidade de Montes Veciñais en Man Común de Tortoreos.

Deste xeito, a partires das 9 e media da mañá do dito domingo, os veciños e veciñas de Tortoreos e cantos así o desexen, farán un percorrido a pe (ou en “chimpín”, bicicleta, coche ou no que se tercie) por algunhas desas fontes recuperadas; acompañados en todo o traxecto polos gaiteiros “Os Folieiros de Lavadores” de Vigo e rematando a festa no barrio de Santa Mariña onde (para aqueles que non queiran leva-lo seu xantar) haberá polbo e carne o caldeiro a prezos populares, e música pola tarde, con xogos tradicionais (chave, billarda, etc…) e festival de xogos para os cativos.

Seguir leendo… »

A Sociedade Cultural e Desportiva (SCD) do Condado ten todo a punto para a celebración da XXIV edición do Festival da Poesía. Este ano preside o festival o título ‘Língua e serviços em mao comum’, recollendo as reivindicacións populares de maior importancia nos últimos tempos: a defensa do galego e da universalidade e gratituidade dos serviços públicos, contra o seu retroceso.
O festival celebrarase os días 3 e 4 de setembro e conta coa variedade de actividades que vén sendo habitual, tratando sempre de reunir reivindicación e festa a partes iguais. Pasarúas, concertos, actividades para nenos e nenas, audiovisuais, pintura e, por suposto, poesía van ter cabida na XXIV edición da festa.

Seguir leendo… »

Celebrase o sábado día 4

As Concellerías de Cultura, Comercio e Turismo, dirixidas por Andrés Sampedro, organizan un ano máis a Feira Tradicional dos Remedios que terá lugar o día catro de setembro, facéndose coincidir, como en anos anteriores, co sábado máis próximo á festividade da Virxe dos Remedios. Despois de tres anos de boa acollida por parte dos veciños, comerciantes e visitantes, a feira converteuse nun referente lúdico-comercial da bisbarra que atrae a milleiros de persoas durante toda o día.
Nesta edición, ademais dos postos de venda de produtos tradicionais, estarán presentes representantes de oficios tradicionais, como o latoeiro Fernando Reboredo, quen explicará e amosará o seu bo facer a visitantes e curiosos; os membros da Alfarería Añón, de Meder, que elaborarán en vivo aqueles trebellos necesarios noutrora nas casas, moitos deles convertidos hoxe en obxectos decorativos; así como artesáns que se dedican ao pirogravado, ao coiro e prata, á cerámica e ás monecas artesanais, entre outros. Este ano, ademais, un grupo de amigos da Asociación de Produtores Artesanais da Raza Galiña de Mos, amantes desta raza autóctona (das que aínda choquelean) darán a coñecer e venderán exemplares para difundir esta raza que estivo a piques de desaparecer. Paula, representante da Universidade Rural Galega, estará fiando á vella usanza.

Seguir leendo… »

O venres, día 3 de setembro o grupo TAM TAM GO¡, actúa na Praza Maior de Ponteareas a partires das 23,00 horas, dando inicio a amplia programación cultural que se desenvolverá en Ponteareas ó longo do mes de setembro, coincidindo coas festas na honra a Virxe dos Remedios e San Miguel Arcanxo.

Seguir leendo… »

:::: O BNG reclama a rehabilitación e apertura da emblemática Fonte de Troncoso ::::

Os nacionalistas critican a inoperancia e falla de iniciativa do concello e o desleixo da empresa na preservación e valorización dun ben patrimonio de toda a cidadanía.
As persoas (veciños ou non) que, ano tras ano, fan uso das augas minerais deste manancial, atópanse nestes días, co peche da Fonte de Troncoso, a máis antiga das dúas fontes termais de Mondariz Balneario, cuxo estado de abandono é lamentable por ruinoso.
Quen ano tras ano viña achegándose á Vila Balnearia no verán, confirmará que, esta Fonte, sempre permaneceu aberta. Con maior ou menor grao de atención ao público, con maior ou menor grao de mantemento, conservación e limpeza, endexamais ficou pechada para o uso de quen así o quixer nas tempadas de verán.
Seguir leendo… »

O Ministerio de Fomento, a través de Adif, investiu 55.937 euros en mellorar a accesibilidade das estacións de ferrocarril de Arbo e Pousa-Crecente, pertencentes á rede ferroviaria de ancho convencional na provincia de Pontevedra.
Estas dúas actuacións enmárcanse no Plan de Modernización de Estacións, impulsado polo Ministerio de Fomento como medida de estímulo á economía.
Fomento recordou que con este Plan de Modernización, Adif traballa na “mellora permanente” das instalacións e infraestruturas da rede de ancho convencional, co obxectivo de ofrecer aos seus clientes un servizo “de maior calidade e con mellores prestacións de seguridade, accesibilidade e confort”. Seguir leendo… »

  :::: O BNG critica que o alcalde de Salvaterra non explique á cidadanía cal é o planeamento definitivo para a Plisan ::::

O Bloque Nacionalista Galego de Salvaterra critica que  Arturo Grandal, non facilite ningunha explicación sobre cal será o proxecto definitivo da Plisán. O portavoz nacionalista Gabriel Martínez considera que é “lamentable” que o rexedor de Salvaterra non informe á  cidadanía cal é a afección real da sentenza do Supremo sobre o desenvolvemento desta infraestrutura e á posíbel implantación de empresas nesta plataforma. Seguir leendo… »

No medio dun  significativo silencio, as autoridades e público en xeral deron o último adios ao axente da Garda Civil, Miguel Jorge Piñeiro Lorenzo, ferido mortalmente por un atracador en A Cañiza, cando na compaña doutros dous máis trataban de asaltar as oficinas de Caixa Galicia,en A Cañiza. A víctima tiña tres fillos e acababa de voltar das súas vacacións.
Os dous axentes implicados no triste suceso eran os responsables da vixiancia da comarca nesa fatídica noite. Pertencían ao cuartel de Covelo.

Seguir leendo… »