Arquivos da categoría ‘Condado-Paradanta’

O sábado día 20 de febreiro de 2010 o Club Bádminton As Neves disputou no pavillón municipal das Neves o partido de volta dos cuartos de final do play off polo título da Liga Nacional de Bádminton de Primeira División contra o Club Bádminton Benalmádena “B”. Seguir leendo… »

O Concelleiro de Seguridade do concello de Ponteareas e primeiro tenente de alcalde, Juan Carlos González Carrera, vén de amosar a súa satisfacción pola visita realizada o pasado venres a Ponteareas polo conselleiro de Presidencia, Administracións Públicas e Xustiza, Alfonso Rueda, quen, amais de visitar as obras realizadas no concello de Ponteareas, tamén visitou o Parque de Bombeiros de Ponteareas onde, por parte do concelleiro de Seguridade Cidadá, explicoulle o seu  funcionamento e as principais necesidades que agora ten dito servizo. Seguir leendo… »

A ANPA do colexio Fermín Bouza Brey asegura que o pasado 28 de decembro, nun pleno ordinario, o goberno do Concello de Ponteareas, formado polo PP máis UCPA, votou en contra dunha moción presentada por un partido da oposición. Nesta moción presentouse para o Parlamento de Galicia, dúas emendas aos orzamentos da Xunta, no que se refire a Educación en Ponteareas: Seguir leendo… »

A Asociación Parada da Cañiza e a Asociación Gran Vigo organizan o día 23 de decembro ás cinco da tarde unha entrega de agasallos de Nadal. O acto terá lugar no Teleclub de Ceirón situado na Casa Cultural de Parada na Cañiza e nel fará acto de presencia o propio Papá Noel. Seguir leendo… »

Por terceiro ano consecutivo os nenos e nenas de Ponteareas poderán enviarlle a súa Carta aos Reis Magos en galego. Baixo o lema “Os Reis Magos falan todas as linguas do mundo. Fálalles galego”, o Concello de Ponteareas, a través do Servizo de Normalización Lingüística, quere potenciar o uso do galego no sector infantil, mediante a difusión dunha carta en galego dirixida ás Súas Maxestades de Oriente para pór de relevo que os Reis Magos tamén falan galego. Seguir leendo… »

Ata o vindeiro día 18 de decembro, veciños e veciñas de Ponteareas poderán solicitar información ou mesmo presentar alegacións sobre revisión dos valores Catastrais de Urbana, na Oficina de Información, que quedou instalada no Salón de Plenos da Casa do Concello e que funciona en horario de 09:00 horas a 14:00 horas e de 16:00 horas a 18:00 horas. Os veciños e veciñas que desexen solicitar información ou realizar calquera trámite nesta oficina deberán coller número no mostrador de Información, situado nos baixos da Casa do Concello. Seguir leendo… »

::: Ibericar Auto e Toyota España seleccionaron o castelo de Vilasobroso para concienciar sobre a reducción do CO2 na atmósfera:::

::: Un simulador no concesionario Toyota de Ponteareas amosará as particularidades dos novos modelos:::

Antón Fernández/ PONTEAREAS
Por segundo ano consecutivo Ibericar Auto e Toyota España celebran o Día da Reforestación Toyota. Nesta edición escolleuse o castelo de Vilasobroso como lugar onte terá lugar, o vindeiro día 22 de novembro, unha replantación de árbores autóctonas. Máis de 10.000 clientes e as súas familias axudarán nas tarefas de conservación e reforestación coa sementeira específica en diferentes lugares do país. Toda a rede de clientes de Toyota España poderá participar nun concurso fotográfico no que se premiará a foto que mellor reflicta o espíritu do día e capte a movilización voluntaria.

Seguir leendo… »

Chegou o 16 de outubro e con el ese fatídico día, esa data que xa coñeciamos de antemán e que nos resistiamos a aceptar.
Fáltanme as palabras correctas, resúltame máis fácil derramar bágoas que expresar sentimentos, pero preciso dedicarlle unhas liñas que perduren no tempo.
Hoxe Ponteareas está de loito. Aquel home loitador, constante, que simplemente coa mirada transmitía forza, que afrontaba sen medo as adversidades, que cando daba un paso adiante negábase a recuar, amigos dos seus amigos, defensor dos seus veciños, incansable…, de repente, quebrou e finou. Seguir leendo… »

O 31 de outubro, ás 6 da tarde o Filhartrompía Quartet actuará na Igrexa parroquial de S. Martiño de Barciademera. Filhartrompía Quartet nace no seo da Real Filharmonía de Galicia, co propósito de amosar ao público o repertorio camerístico escrito para cuarteto de trompas, así como para inspirar a novos compositores sobre os recursos que ofrece este tipo de agrupación. Seguir leendo… »

O  23 de maio realicei a proba do Celga 4, o 24 a do Celga 2 e o 30 a do Celga 3. Xa ven, máis de 45 euros gastados en taxas, pero  necesitaba comparar os meus coñecementos cos dos señores gobernantes. Por fin, xa o teño claro, probablemente moitos deles non superarían nin o Celga 1. Seguir leendo… »