Arquivos da categoría ‘Ponteareas’

O mércores 1 de setembro tivo lugar no salón de plenos, a presentación oficial do “II Torneo de Tenis Concello de Ponteareas”. O acto de presentación correu a cargo do concelleiro de deportes, Alberto Novoa Iglesias, que estivo acompañado polo presidente do Club de Tenis Ponteareas, Manuel Regueira, e polo vicepresidente, Juán Carlos Márquez.

O II Torneo de Tenis Concello de Ponteareas, terá lugar os días 4,5,11,12,18 e 19 deste mes de setembro nas pistas de tenis da zona deportiva de A Freixa e na pista do Centro Deportivo de O Reiro.

Nesta II Edición están inscritos 94 tenistas, nas categorías; Masculino Sénior, Feminino Sénior, Cadete Mixto e Alevín Mixto, e se disputará por sistema de eliminatorias con cadro final de consolación para que os eliminados poidan seguir xogando máis partidos.

Alberto Novoa Iglesias, como concelleiro de deportes, amosou a súa satisfacción pola continuidade deste torneo, e a boa acollida que ten entre os participantes, xa que nesta edición competirán 94 tenistas, o que supera con moito os 57 participantes da I edición, celebrada o pasado ano 2009.

O concelleiro de deportes, Alberto Novoa Iglesias, o presidente da S. D. Juvenil de Ponteareas, José Manuel Rodríguez, e o vicepresidente, Manuel Ramilo, presentaron onte mércores 1 de setembro, no salón de plenos do concello de Ponteareas o trofeo “Festas dos Remedios” de fútbol, que terá lugar o vindeiro sábado día 4 nos campos de fútbol do Centro Deportivo Municipal de Pardellas.

Seguir leendo… »

Celebrase o sábado día 4

As Concellerías de Cultura, Comercio e Turismo, dirixidas por Andrés Sampedro, organizan un ano máis a Feira Tradicional dos Remedios que terá lugar o día catro de setembro, facéndose coincidir, como en anos anteriores, co sábado máis próximo á festividade da Virxe dos Remedios. Despois de tres anos de boa acollida por parte dos veciños, comerciantes e visitantes, a feira converteuse nun referente lúdico-comercial da bisbarra que atrae a milleiros de persoas durante toda o día.
Nesta edición, ademais dos postos de venda de produtos tradicionais, estarán presentes representantes de oficios tradicionais, como o latoeiro Fernando Reboredo, quen explicará e amosará o seu bo facer a visitantes e curiosos; os membros da Alfarería Añón, de Meder, que elaborarán en vivo aqueles trebellos necesarios noutrora nas casas, moitos deles convertidos hoxe en obxectos decorativos; así como artesáns que se dedican ao pirogravado, ao coiro e prata, á cerámica e ás monecas artesanais, entre outros. Este ano, ademais, un grupo de amigos da Asociación de Produtores Artesanais da Raza Galiña de Mos, amantes desta raza autóctona (das que aínda choquelean) darán a coñecer e venderán exemplares para difundir esta raza que estivo a piques de desaparecer. Paula, representante da Universidade Rural Galega, estará fiando á vella usanza.

Seguir leendo… »

O venres, día 3 de setembro o grupo TAM TAM GO¡, actúa na Praza Maior de Ponteareas a partires das 23,00 horas, dando inicio a amplia programación cultural que se desenvolverá en Ponteareas ó longo do mes de setembro, coincidindo coas festas na honra a Virxe dos Remedios e San Miguel Arcanxo.

Seguir leendo… »

O alcalde de Ponteareas, Salvador González Solla, visitou as obras que se desenvolven na Piscina Municipal de cara a dotala de equipos de enerxía solar e biomasa, traballos que contan para a súa realización cun investimento de 188.647 euros.
Salvador González Solla, que estaba acompañado polo tenente de alcalde, Juan Carlos González Carrera e o Concelleiro de Deportes, Alberto Novoa, recibiu detalladas explicacións por parte dos técnicos da empresa adxudicataria do estado en que se atopan as obras que, segundo explicaban, están case que a piques de rematar.

Seguir leendo… »

:::: “Os centros escolares estarán a punto nas datas de comezo do curso escolar, xa que o goberno local cumpre os seus compromisos” ::::

O alcalde de Ponteareas Salvador González Solla, quere manifestar o seu total desacordo entorno a información, procedente do voceiro do PSG-PSOE de Ponteareas o Sr. Candeira, que se vén de publicar nos medios de comunicación referente aos traballos de reparación do colexio Público Fermín Bouza Brey de Ponteareas.

Salvador González Solla manifesta o seu total desacordo, dado que neste centro así como en todos os centros do municipio, se desenvolven tarefas de reparación e mellora de cara ao novo curso escolar, “e algo que todos os veciños poden comprobar simplemente con pasar por diante dos centros escolares xa que moitos destes traballos están á vista”.

Seguir leendo… »

:::: O Portavoz municipal do PSdeG-PSOE, Francisco Candeira declarou que o concello e a Xunta parecen non ter aprendido nada co desastroso comezo de curso do ano pasado ::::

No mes de xuño, González Solla prometeu á AMPA do CEIP Bouza Brey, que acometería as reformas necesarias de inmediato, en canto os alumnos deixasen as aulas, para evitar problemas en setembro. O concello de Ponteareas, responsabilizouse de acometer as obras de salubridade (coa reforma do saneamento do colexio) e de seguridade (coa reforma integral do sistema eléctrico que ía financiar a Deputación).

Seguir leendo… »

“Resulta imprescindible coñecer o sistema económico ao cal pertencemos tanto para entender a crise actual como para saber localizar os culpables reais e construir unha alternativa viable e sustentable”, con esa idea a Xuventude Comunista proxectará en Ponteareas o documental ‘O diñeiro é débeda’, onde se fai un repaso de forma clara e amena da historia da banca dende os seus orixes ata a súa situación actual; explicando a mecánica de creación de diñeiro sobre a débeda e o respaldo dos gobernos á esta forma de economía.
“Denme o controle do diñeiro e xa non importará quen faga as leis.” Meyer Rothschild, fundador da dinastía Rothschlid.
O vídeo se proxectará o día 27 de xullo no Centro Multiusos (Parque das Pombas), ás 20:30h. Duración: 47min aprox.

A principios do pasado mes de xuño entrou no Parlamento Galego o proxecto da nova Lei de augas de Galiza, tra-la súa aprobación polo Consello da Xunta. O proxecto que foi obxecto de enmenda a totalidade polo grupo nacionalista na Cámara galega, continúa a súa tramitación parlamentar tras a negativa do grupo Popular a devolvelo ao goberno da Xunta, segundo explica Francisco Chivite, portavoz comarcal do BNG. Seguir leendo… »

A Concellería de Educación do Concello de Ponteareas vén hoxe de dar conta do grande éxito do Campamento de Verán que, durante todo o mes de xullo e a segunda quincena de agosto, desenvólvese nas instalacións do Colexio da Inmaculada de Ponteareas. Seguir leendo… »