Etiquetas ‘O Porriño’

 Raúl Francés, ex-alcalde de O Porriño. Vén  de sufrir unha moción de censura. Quixemos coñecer o seu estado de ánimo. Atopámolo tranquilo e seguro de voltar ao poder nas próximas eleccións municipais. Publicamos aquí a conversa completa mantida con el na nosa redacción.

Guillermo Rodríguez/Foto: Hernández

-Que sensación che quedou do teu paso pola Alcaldía do Porriño?

-Experiencia moi grata; aprendín moito e síntome moi honrado de ter sido seis anos e medio alcalde do Porriño.

 -Cales son os recursos que ten un concello como o do Porriño?

-Ten moitos recursos; o que pasa é que nós atopámonos cunha situación económica que non se correspondía co nivel de ingresos do Concello. Tivemos que sanear as contas o máximo posible e aínda así executamos moitas obras e melloramos a facenda local. Dentro da lei de facendas do Estado, os concellos son a cenicienta da administración, sobreviven ou sobrevivimos como podemos porque o Estado, dentro do seu reparto da tarta de financiamento, así como a tarta competencial permítenos ampliar moita tarta no que é ter cartos para exercer as competencias, desde logo os concellos están afogados totalmente e iso está dicindo neste momento concellos de todos os cores políticos, agora, o Estado sempre foi moi guloso e sempre quixo quedar coa maior parte dos cartos, parece que o Estado só é a Administración Central e o Estado son os concellos, os gobernos autonómicos, a Xunta e o Estado do Goberno Central, pero hai que repartir os cartos. Seguir leendo… »

O Goberno local do Porriño recibiu esta mañá no Concello ao director do Centro Tecnolóxico de Automoción de Galicia (CTAG), Luis Moreno, acompañado de técnicos do centro, así como de Pedro Doñate, da empresa Xestur e do arquitecto César Portela. O alcalde, Nelson Santos, e os tenentes de alcalde Manuel Carrera, Marcelino Coto e José Manuel Jacobo escoitaron as inquietudes e proxeccións desta entidade, creada para ofrecer solucións tecnolóxicas avanzadas ao sector do automóbil, que a día de hoxe céntranse na execución dun proxecto sectorial para o que o Concello xa lle ofreceu a súa colaboración, brindandolle “toda a axilidade e flexibilidade posible”, aseguraba o alcalde. Seguir leendo… »

:: Marcelino Coto e Manuel Carrera mantiveron  un encontro de traballo co presidente e xerente da entidade no que acordaron por a disposición catro traballadores do Concello para labores de limpeza e mantemento ::

Marcelino Coto e Manuel Carrera, tenentes de alcalde e concelleiros de Industria e Vías e Obras, respectivamente, reuníronse no Polígono da Granxa con Indalecio Covas e David Sobral, presidente e xerente da Entidade Urbanística de Conservación da Granxa, para dar forma a un convenio de colaboración mutua ao que acordaran chegar. Dada a importancia do tecido empresarial asentado no municipio porriñés, “é esencial que o Goberno local tenda a man aos empresarios e establézase unha colaboración mutua”, explica Marcelino Coto.

Seguir leendo… »

:: A feira de oportunidades comporase de 30 postos de variada oferta, situados na zona peonil en horario initerrompido. Haberá inchables, música ambiental e as cafeterías e restaurantes permanecerán abertos :: 

 A II Feira de stocks no Porriño Merca na rúa foi presentada no Concello pola directora xeral de Comercio da Xunta de Galicia, Nava Castro; o concelleiro de Comercio, Marcelino Coto e a presidenta da Asociación de Comerciantes e Industriais do Porriño (ACIPOR), Juana Pérez.

Seguir leendo… »

:: O PSOE constatou que os técnicos municipais de urbanismo descoñecían esta reforma, “sen proxecto e sen permiso da Xunta de Galicia”,  e que podería ser considerada como falta “moi grave” pola Lei::

O secretario de educación e cultura da comisión executiva local do PSdeG-PSOE do Porriño, Miguel Táboas Sequeiros, informou hoxe da “preocupación” que moitos porriñeses e porriñesas están a amosar estes días logo das accións levadas a cabo polo novo goberno local que decidiu iniciar obras de mantemento da Fonte do Cristo do Porriño, unha obra do arquitecto Antonio Palacios, sen dar parte a Direccion Xeral de Patrimonio da Conselleria de Cultura e sen ter proxecto tecnico nin supervision dun técnico facultativo. Seguir leendo… »

Membros do equipo de Goberno do Porriño acudiron ao Centro Tecnolóxico AIMEN, situado en Torneiros, para coñecer máis de preto o labor desta asociación privada que desenvolve tecnoloxías aplicables a todos os sectores industriais. O alcalde Nelson Santos asistiu acompañado dos concelleiros Manuel Carrera, Marcelino Coto, José Manuel Jacobo, Alejandro Lorenzo, Mª Carmen Palacín e Rosa Morais, que en breve entrará a formar parte do equipo de Goberno, e de Alberto Durán, técnico de Marketing de Emprego do Concello do O Porriño. Seguir leendo… »

 :: Iván Vaqueiro: “Todo o mundo sabe que Nelson Santos, no 2007, foi un dos que máis criticou a proposta do PSOE do Porriño e agora ten a desvergoña política de tratar de sumarse a unha proposta que atacou e desprestixiou” ::

O secretario xeral do PSdeG-PSOE do Porriño, Iván Vaqueiro, fixo público hoxe, tras a reunión mantida co Secretario de Estado de Infraestructuras, Victor Morlán, co Delegado de Goberno en Galicia, Antón Louro, co deputado socialista Luis Piña e coa Plataforma en Contra do Paso a Nivel, que Fomento impulsar as obras do tren de Alta Velocidade Vigo-Oporto para o 2013 apostando pola proposta que o PSOE do Porriño de variante ferroviaria incluida na alternativa 1 do tren de alta velocidade Vigo-Oporto. Seguir leendo… »

Se o mal tempo non o impide, as rúas do Porriño serán finalmente escenario este próximo domingo 7 de marzo da 4ª edición de Interrunning 2010. Cabe lembrar que o pasado día 28 de febreiro a competición foi cancelada debido ás inclemencias climatolóxicas. Como noutras ocasións, Divina Pastora Seguros ofrecerá o seu apoio á carreira. Seguir leendo… »

O alcalde do Porriño asistiu onte  a unha reunión en Vigo para tratar sobre o tramo do Eixe Atlántico da Alta Velocidade entre Vigo e a fronteira portuguesa co secretario de Estado de Infraestruturas, Víctor Morlán; o delegado do Goberno en Galicia, Antón Louro e o conselleiro de Medio Ambiente, Territorio e Infraestruturas, Agustín Hernández. No encontro, en que tamén estiveron presentes os seus homólogos de Salceda, Tui e Mos, ademais da delegada da Xunta en Vigo, Lucía Molares, quedou patente o compromiso, por parte do Ministerio de Fomento, de eliminar o paso a nivel do Porriño. Para iso, o tramo de Vigo á fronteira con Portugal transcorrerá polas aforas do municipio porriñés, próximo á autovía A-55, “liberando á vila desa gran barreira histórica, que tantas consecuencias negativas trouxo para a vila”, explica Nelson Santos. “Trátase da mellor alternativa para O Porriño, por que todos loitamos e que finalmente conseguiremos”, subliña. Seguir leendo… »

O fillo do escritor galego Álvaro Cunqueiro e notario de profesión, ademais de escritor como o seu pai, César Cunqueiro González-Seco decidiu facer unha doazón de libros ao Concello do O Porriño. O alcalde, Nelson Santos, recibiu en persoa, onte en Vigo, os máis de 350 exemplares entregados da man de Cunqueiro González-Seco. Seguir leendo… »